தடைபட்ட மின்சாரம்

தடைபட்ட மின்சாரம்
தருவித்த அமைதியை,
எடுத்துரைக்க வந்துவிடுகிறது
எப்போதும் ஒரு காகம்!



தனிமையின் சுதந்திரத்தில்,
காதலை கொண்டாடும்,
காதலியின்
இலக்கனமில்லா
மெல்லிய நடனத்தை,
ஒளிந்திருந்து ரசிக்கும்,
காதலனாக்கியது என்னை,
மின்விசிறி இல்லா
அறையில் மிதக்கும் ,
ஊதுபத்தி புகை!

http://www.keetru.com/index.php?option=com_content&view=article&id=8638:2010-05-18-09-51-12&catid=2:poems&Itemid=265

கீழே சீறிப்பரபரக்கும் சாலை
மேலே உ(நி)றைந்த புன்னகையாய் நிலா
நடுவிலே நான்.

மெதுமெதுவாய் உரசி
ஏதோ ஒருகனத்தில்
குப்பென்று தீப்பற்ற
வாசித்து முடித்த புத்தகத்தை
நண்பனுக்கு பரிந்துரைத்தேன்.
"ஒரு மணி நேரத்தில
படிச்சிடலாம் மச்சி!"
"பின்ன ஏன்டா உனக்கு
ஒருவாரம் ஆச்சு?"
"எந்த ஒருமணிநேரமின்னு
கண்டுபுடிக்கனுமில்ல...!"